bahavaḥ putrāḥ

Change script:

rājā daśarathaḥ sukhī. rājā kasmāt sukhī?

daśarathasya bahavaḥ putrāḥ. ayodhyāyā bahavo rāja­putrāḥ.

pūrvaṃ daśaratho balavate putrāya yajñam ayajata. pūrvaṃ mahad bhūtaṃ daśarathāya divyaṃ pāyasam adadāt.

pūrvaṃ ca rājā daśarathaḥ pāyasam adadāt. rājā pāyasam adadāt kausalyāyai sumitrāyai kaikeyyai ca. daśarathaḥ pāyasam adadāt sarvābhyo rāja­patnībhyaḥ.

ke bahavaḥ putrā daśarathasya? rāmo bharato lakṣmaṇaḥ śatrughnaś ca daśarathasya putrāḥ.

rāmaḥ putraḥ kausalyāyāḥ. bharataḥ putraḥ kaikeyyāḥ.

lakṣmaṇaḥ kasyāḥ putraḥ? lakṣmaṇaḥ sumitrāyāḥ putraḥ.

śatrughnaś ca putraḥ sumitrāyāḥ. lakṣmaṇaḥ śatrughnaś ca sumitrāyāḥ putrau.

rāmo balavān naro bhaviṣyati. bharato lakṣmaṇaś ca balavantau narau bhaviṣyataḥ. sarve daśarathasya putrā balavanto narā bhaviṣyanti.

ayodhyāyā bahavo balavanto rāja­putrā bhaviṣyanti.

daśaratho bahūn putrān paśyati. daśarathaḥ sukhī.

kasmād rājā daśarathaḥ sukhī? daśarathasya bahavo balavantaḥ putrāḥ. daśarathasya bahavo balavantaḥ sundarāḥ priyāḥ putrāḥ.

rāmo bharato lakṣmaṇaḥ śatrughnaś ca daśarathasya priyāḥ. daśarathaś ca priyo rāmasya bharatasya lakṣmaṇasya śatrughnasya ca.

kintu kaḥ priyatamaḥ? kaḥ priyatamaḥ putro daśarathasya?