kaikeyyā na putraḥ

daśaratho bhūtvā kaikeyyāḥ patir ayodhyām agacchat. kaikeyī ca bhūtvā daśarathasya patny agacchad ayodhyām.

kiṃ kaikeyī sukhiny abhavat? kaikeyī sukhiny abhavat. kaikeyī daśarathasya patnī bhūtvā sukhiny abhavat.

kaikeyī:

ahaṃ sukhinī.

ahaṃ patnī daśarathasya. ahaṃ patnī rājñaḥ. ahaṃ patnī sundarasya balavato rājñaḥ.

mama putro bhaviṣyati.

mama putro balavān bhaviṣyati. mama putro rājā bhaviṣyati. putro mama balavān rājā bhaviṣyati!

kiṃ kausalyā sukhiny abhavat? kausalyā na sukhiny abhavat.

kasmāt kausalyā na sukhiny abhavat? kausalyā na priyā kaikeyyāḥ. na ca kaikeyī priyā kausalyāyāḥ.

kausalyā na sukhiny abhavat. kintu daśarathaḥ sukhy abhavat.

daśarathaḥ:

pūrvaṃ mama kausalyāyāś ca na putro 'bhavat. pūrvaṃ mama sumitrāyāś ca na putro 'bhavat.

kintv ahaṃ putram icchāmi.

kiṃ mama kaikeyyāś ca putro bhaviṣyati? kiṃ mama kaikeyyāś ca balavān putro bhaviṣyati?

daśarathasya kaikeyyāś ca na putro 'bhavat. daśarathaḥ kaikeyī ca na sukhitāv abhavatām.