rāmaḥ kim akarot?

Change script:

rāmaḥ kaikeyyā apriyaṃ bhāṣitaṃ śrutvā na krodhaṃ jagāma. na ca jagāma duḥkham.

rāma etad abhāṣata kaikeyīm:

bhavatu, devi. ahaṃ rājñaḥ pratijñāṃ rakṣāmi. gamiṣyāmi vanaṃ vastum. adya gamiṣyāmi. tvaṃ prītā bhava, devi.
bharataḥ priyo mama. ahaṃ sarvaṃ dadyāṃ bharatāya. sarvaṃ dadyāṃ mama priyāya bhrātre.
etasmād ahaṃ kiṃ na dadyāṃ priyāya rājñe? kiṃ na dadyāṃ tubhyam, devi?
bharato 'bhiṣicyatām. bharatas tu kekayarājaṃ draṣṭuṃ gataḥ. etasmād bharato nāyodhyāyām.
kenacid bharata ānetavyo 'yodhyām, devi. narā gacchantu bharatam ayodhyām ānetum.

rāmaḥ:: ahaṃ cādya gacchāmi vastuṃ mahati daṇḍakāvane.
etat tu jñātum icchāmi. kasmād bhūmipatir na māṃ paśyati?

kaikeyī, śrutvā rāmasya bhāṣitam, mahattamāṃ prītiṃ jagāma.

prītā kaikeyī rāmaṃ vanaṃ gamayitum aicchat. etasmāt kaikeyy etad abhāṣata.

bhavatu. ahaṃ narān bharatam ānetuṃ gamayiṣyāmi.
rājā śrutvā mama bhāṣitaṃ gato mahad duḥkham. rājā mahad duḥkhaṃ gatvā na kiṃcit kartuṃ śaknoti. tvayi mahāvanaṃ gate, rājā sukhī bhaviṣyati.
etasmād adya gaccha, rāma.

Congratulations! You've reached the end of this book.

You've also reached the end of this series. (Want more? Let us know!)