purā bodhisattvaḥ śiṣyeṇa saha parvate cacāra.
bodhisattvaḥ parvate caran dadarśa vyāghrīm.
sa vyāghrīṃ parvatagahvare dadarśa.
gahvare vyāghrī vyāghrabālān ajanayat.
vyāghrī tu khāditum iyeṣa.
vyāghrī janayitvā vyāghrabālān khāditum iyeṣa parvatagahvare.
vyāghrī na kiṃcit khādyaṃ dadarśa gahvare parvatasya.
tayā tu khāditavyam.
tasmāt sā vyāghrī svabālān khāditum iyeṣa.
sā vyāghrī svabālān khādyam iva dadarśa.
bodhisattvo duḥkhitāṃ vyāghrīṃ dadarśa.
bodhisattvas tāṃ duḥkhitāṃ vyāghrīṃ dṛṣṭvā mahatīṃ kṛpāṃ jagāma.
bodhisattvaḥ kṛpāṃ gataḥ śiṣyam etad abravīt:
paśya, śiṣya!
vyāghrī parvatagahvare.
eṣā vyāghrī khāditum icchati.
sā mahatīṃ cikhādiṣāṃ gatā.
sā mahatyā cikhādiṣayā svabālān khādet.
sā tv anyat khādyaṃ khāditvā svabālān na khāditum icchet.
etena vyāghrī svabālān na khādiṣyati.
anyat khādyam anveṣṭavyam.
gaccha, śiṣya!
anyat khādyam anveṣṭuṃ gaccha.
aham anyat khādyam anveṣṭuṃ gamiṣyāmi.
śiṣyo 'nyat khādyam anveṣṭuṃ jagāma vyāghryai.
kintu bodhisattvo na khādyam anveṣṭuṃ jagāma. bodhisattvo 'cintayat:
kasmād anyat khādyam anveṣṭavyam?
mama śarīram.
kasmād anyasya śarīram anveṣṭavyam?
vyāghrī mama śarīraṃ khāditvā svabālān na khāditum icchet.
etena na svabālān khādiṣyati vyāghrī.
etena vyāghrī vyāghrabālāś ca duḥkhitā na bhaviṣyanti.
bhavatu.
nānveṣyāmi.
mama śarīraṃ mārayiṣyāmi.
mayi mṛte, vyāghrī mama śarīraṃ khādiṣyati.
mayi khādite, svabālān na mārayiṣyati.
mayi khādite, na mariṣyante vyāghrabālāḥ.
śiṣye gate, bodhisattvaḥ parvatagahvare patitvā maraṇaṃ jagāma.
vyāghrī gahvare patitaṃ bodhisattvaśarīraṃ dadarśa.
śarīraṃ dṛṣṭvā sukhena tad akhādat.
bodhisattvaśarīraṃ ca khāditvā na khāditum iyeṣa svabālān.
śiṣyas tu na kiṃcit khādyaṃ dadarśa parvate.
sa gahvaraṃ pratyāgatya bodhisattvaṃ na dadarśa.
gahvare tu dṛṣṭvā vyāghryā khādyamānaṃ śarīraṃ bodhisattvasya dadarśa śiṣyaḥ.
śiṣyo 'cintayat:
adbhutam! adbhutam!
adbhutam eva tasya mahatī kṛpā!