bahavo rājānaḥ

Change script:

daśarathaḥ sukhitaḥ. sarve rāja­mantriṇaḥ sukhitāḥ. sarve ca brāhmaṇāḥ sukhitāḥ.

kasmāt?

yajño bhaviṣyati. yajño 'yodhyāyāṃ bhaviṣyati.

bahavo rājāno yajñaṃ draṣṭum icchanti. bahavo rājāno 'yodhyāṃ gacchanti.

bahavo rājāno yajñaṃ draṣṭuṃ gacchanti.

ke rājāno yajñam icchanti draṣṭum? ke rājāno 'yodhyāṃ gacchanti?

janako gacchaty ayodhyām. janako yajñaṃ draṣṭum icchati.

janakaḥ kaḥ? janako mithilā­rājaḥ. mithilā sundarī nagarī.

janakaḥ:

kiṃ daśarathasya putro bhaviṣyati? kim ayodhyāyā balavān rāja­putro bhaviṣyati? ahaṃ jñātum icchāmi.

kekaya­rājaś ca yajñaṃ gacchati draṣṭum. putrī kekaya­rājasya kaikeyī. kaikeyī daśarathasya priyatamā patnī.

kekaya­rājaḥ:

kiṃ kaikeyyāḥ putro bhaviṣyati? kiṃ kaikeyyā balavān putro bhaviṣyati?

kiṃ putraḥ kaikeyyā balavān rājā bhaviṣyati?

kāśī­rājaś ca yajñaṃ gacchati draṣṭum. sumitrā putrī kāśī­rājasya. sumitrā daśarathasya priyā patnī.

kāśī­rājaḥ:

kiṃ sumitrāyāḥ putro bhaviṣyati? kiṃ mama priyāyāḥ putryāḥ putro bhaviṣyati?

bahavo balavanto rājāno 'yodhyāṃ gacchanti. bahavo balavanto rājāno mahā­yajñaṃ draṣṭuṃ gacchanti.

bahavo rājāno balavantaḥ. ko rājā balavattamaḥ?

daśaratho balavattamo rājā. daśaratho balavattamo bahūnāṃ rājñām.

daśaratho balavattamo bahūnāṃ balavatāṃ rājñām.