asitaḥ

asito gacchati rājānam.

asitaḥ kaḥ? asito mahān muniḥ. asito mahān vṛddho muniḥ. asito lumbinyām.

asitaḥ kim icchati? asito rājānaṃ śuddhodanaṃ draṣṭum icchati.

rājā paśyati mahāntaṃ munim. rājā mahāntaṃ vṛddhaṃ muniṃ dṛṣṭvā sukhī bhavati.

śuddhodanaḥ:

mune!

ahaṃ sukhī. ahaṃ sukhī tava darśanāt. tvaṃ kim icchasi, mune?

asitaḥ kim icchati? kasmād asito rājānaṃ śuddhodanam icchati draṣṭum?

asitaḥ:

ahaṃ sukhī tava darśanena.

rājan! ahaṃ tava putraṃ draṣṭum āgataḥ. ahaṃ tava putraṃ draṣṭum icchāmi, rājan.

rājā sukhī bhavati.

śuddhodanaḥ:

āgaccha, mune! ahaṃ tubhyaṃ putraṃ darśayāmi.

rājā muniś ca rāja­putraṃ draṣṭuṃ gacchataḥ.

śuddhodanaḥ:

mune, paśya mama putram.

rājā putram asitāya munaye darśayati.

muniḥ putraṃ rājñaḥ paśyati. kintu munir na sukhī.

śuddhodano muniṃ paśyati. śuddhodano na sukhī.

śuddhodanaḥ:

mune, kasmāt tvaṃ na sukhī? ko mama putraḥ? ahaṃ jñātum icchāmi.