ayodhyā

Change script:

ayodhyā mahatī nagary āsīt. ayodhyā sundarī mahatī nagary āsīt. ayodhyā­rājo daśaratha āsīt.

daśaratha āsīd ayodhyāyāḥ priyo balavān rājā. sarve nāgarāḥ priyā āsan daśarathasya. daśarathaś ca priya āsīt sarveṣāṃ nāgarāṇām.

daśarathaḥ patir āsīd bahvīnāṃ rāja­patnīnām. kausalyā kaikeyī sumitrā ca patnya āsan daśarathasya.

sarve rāja­patnyaḥ priyā āsan daśarathasya. kintu kā priyatamāsīt?

kaikeyī priyatamā sarvāsu rāja­patnīṣv āsīt. kaikeyī daśarathasya priyatamā sundaratamā patny āsīt.

rājño bahavaḥ priyāḥ putrā āsan. rāmo lakṣmaṇo bharataḥ śatrughnaś ca rājñaḥ putrā āsan.

rāmaḥ putraḥ kausalyāyā āsīt. bharataḥ kaikeyyāḥ putra āsīt. lakṣmaṇa­śatrughnau ca putrāv āstāṃ sumitrāyāḥ.

sarve rāja­putrā āsan sundarā balavantaś ca. sarve rāja­putrā balavanto yodhā āsan.

sarve rāja­putrāḥ priyā āsan daśarathasya. kintu rāmaḥ priyatamaḥ sarveṣu rāja­putreṣv āsīt. rāma āsīt sundaratamaḥ priyatamo balavattamaś ca sarveṣāṃ rāja­putrāṇām.

rāmaḥ priya āsīt sarveṣāṃ rāja­putrāṇām. rāmaś ca priya āsīt sarvāsāṃ rāja­patnīnām.

rāmaḥ sarva­priyo rāja­putra āsīt.