rājā daśarathaḥ putraiḥ sahāyodhyāyām avasat.
ete ca rājaputrā ayodhyāyām avasan patnībhiḥ saha.
kasmāt?
pūrvam ete rājaputrā mithilāṃ gatvā vivāham akurvan.
ete rājaputrā mithilāṃ gatvā vivāhaṃ ca kṛtvāgacchann ayodhyām.
kā āsan patnyaḥ sarveṣāṃ rājaputrāṇām?
sītā rāmasya patny āsīt.
ūrmilā patnī lakṣmaṇasyāsīt.
sītormilā ca putryāv āstāṃ janakasya.
janako mithilārāja āsīt.
mithilāsīt sundarī mahatī nagarī.
māṇḍavī bharatasya patny āsīt.
śrutakīrtiś ca patnī śatrughnasyāsīt.
māṇḍavī śrutakīrtiś ca putryāv āstāṃ kuśadhvajasya.
kuśadhvaja āsīj janakasya bhrātā.
janakabhrātā sāṃkāśyārāja āsīt.
sarve rājaputrāḥ patnībhiḥ saha mahatyāṃ nagaryām avasan.
sarve mahatyā prītyā sundaryāṃ nagaryām avasan.
