prīto rājā

Change script:

daśaratho 'paśyad bahūni kāryāṇi rāmasya. daśarathaḥ prīto 'bhavat. daśaratho dṛṣṭvā kāryāṇi rāmasya prīto 'bhavat.

prīto rājā daśaratha etad acintayat:

rāmaḥ priyo rāja­putraḥ.

rāmaḥ priyaḥ sarveṣāṃ nāgarāṇām. rāmaḥ sarva­brāhmaṇānāṃ priyaḥ. rāmaḥ priyaḥ sarvāsāṃ mama patnīnām. rāmaḥ priyaḥ sarveṣāṃ mama putrāṇām. rāmaḥ sarva­priyaḥ.

rāmo bahūni kāryāṇi karoti sarvebhyaḥ. rāmo bahūni priyāṇi sarvebhyaḥ karoti.

kaś ca na jānāti balaṃ rāmasya? kaś ca balavattaro rāmāt? rāmo balavattamaḥ sarveṣāṃ mama putrāṇām.

daśarathaḥ:

rāmaḥ sukhitaṃ naraṃ dṛṣṭvā sukhito bhavati. rāmaś ca duḥkhitaṃ naraṃ dṛṣṭvā bhavati duḥkhitaḥ.

rāmo yuvā. kintu rāmo balavān priyo rājā bhavet.

rāmo yuva­rājo bhaviṣyati. ahaṃ rāmaṃ yuva­rājam abhiṣektum icchāmi.

ahaṃ draṣṭum icchāmy abhiṣecanaṃ rāmasya. kim ahaṃ drakṣyāmi rāmam abhiṣiktam?