rājāna āgacchanti

Change script:

daśarathasya bahavaḥ priyā mantriṇa āsan. daśarathaḥ sarvān priya­mantriṇo draṣṭum aicchat.

rājā sarvān rāja­mantriṇa etad abhāṣata:

śṛṇuta, sarve.

bahavo rājāno mama priyāḥ. ānayata sarvān etān rājñaḥ. ahaṃ sarvān etān rājño draṣṭum icchāmi. ahaṃ kiṃcid bhāṣitum icchāmi sarvebhyaḥ.

sarve rāja­mantriṇaḥ śrutvā bhāṣitaṃ rājña etad abhāṣanta:

vayaṃ sarvān rājña āneṣyāmaḥ, rājan.

sarva ete rājāno 'yodhyām āgacchan. mahā­rājo daśarathaḥ sarvān abhāṣata. sarveṣu priyeṣu rājasv ayodhyām āgateṣu, mahā­rājo daśarathaḥ sarvān etad abhāṣata:

śṛṇuta, sarve.

aham ayodhyā­rājaḥ. kintv ahaṃ na yuvā.

ahaṃ na rakṣitum icchāmy ayodhyām. ahaṃ na śaknomi rakṣitum ayodhyām.

kintu rāmo 'yodhyāṃ rakṣituṃ śaktaḥ. rāmo mama balavān priyaḥ putraḥ. rāmaḥ sarva­priyo rāja­putraḥ.

etasmād ahaṃ rāmaṃ yuva­rājam abhiṣektum icchāmi. rāmo yuva­rājo bhaviṣyati.