rāmo mriyate

rāmo 'yodhyā­rājaḥ. rāmo balavān rājā. rāmaḥ priyo bahūnām.

bahavo narā na sukhinaḥ. bahavo narā nāryaś ca na sukhinaḥ! kasmād bahavo narā nāryaś ca na sukhinaḥ?

bahavo narā nāryaś ca:

sītā na rāmam icchati. sītā rāvaṇam icchati! sītā rāvaṇasya patnī bhavitum icchati! sītā rākṣasasya patnī bhavitum icchati! kiṃ sītā rākṣasī?

vayaṃ na sukhinaḥ. asmākaṃ sītā na priyā.

rāmo na sukhī. sītā rāmasya priyā patnī. sītā rāmasya priyatamā.

rāmaḥ:

bahavo nāgarā na sukhinaḥ. bahūnāṃ nāgarāṇāṃ sītā na priyā.

ahaṃ nagaryā rājā. mayā … sītā gamayitavyā. mayā sītā vanaṃ gamayitavyā. mayā sītā vane vāsayitavyā.

bahavo nāgarāḥ sukhino bhaviṣyanti. sītāyāṃ gatāyām, bahavo nāgarāḥ sukhino bhaviṣyanti.

rāmaḥ sītāṃ vanaṃ gamayati. rāmaḥ sītāṃ vane vāsayati.

bahavo nāgarāḥ sukhinaḥ. sītāyāṃ gatāyām, bahavo nāgarāḥ sukhinaḥ.

rāmo mriyate. sītāyāṃ gatāyām, rāmo mriyate. sītāyāṃ vanaṃ gatāyām, rāmo mriyate.