hariṇī

saṃjayo hariṇīṃ paśyati. hariṇī kim icchati?

saṃjayaḥ:

tvaṃ kā?

hariṇī:

ahaṃ hariṇī. tvaṃ kaḥ?

saṃjayaḥ:

ahaṃ saṃjayaḥ.

śāntā:

saṃjaya, hariṇī na sukhinī. hariṇi, kasmāt? kasmāt tvaṃ na sukhinī, hariṇi?

hariṇī:

ahaṃ krīḍitum icchāmi, mātaḥ!

saṃjayaḥ:

tvam … kim icchasi?!

hariṇī:

ahaṃ krīḍitum icchāmi! ahaṃ kenacit saha krīḍitum icchāmi! kintu mātā na krīḍitum icchati. mama mitraṃ na krīḍitum icchati. na kaścit krīḍitum icchati! na kaścin mayā saha krīḍitum icchati!

saṃjayo na śrāntaḥ. saṃjayaḥ sukhī!

saṃjayaḥ:

kintv ahaṃ krīḍitum icchāmi! ahaṃ krīḍitum icchāmi, hariṇi! ahaṃ tvayā saha krīḍitum icchāmi. mayā saha krīḍa!

hariṇī sukhinī.

hariṇī:

tvaṃ krīḍitum icchasi! tvaṃ mayā saha krīḍitum icchasi! ahaṃ sukhinī. mayā saha krīḍa, saṃjaya!

saṃjayaḥ:

mātaḥ! ahaṃ gacchāmi!

hariṇī:

ahaṃ gacchāmi, mātaḥ! ahaṃ saṃjayena saha gacchāmi!

nalinī:

tvaṃ kutra gacchasi, saṃjaya?

śāntā:

hariṇi, tvaṃ kutra gacchasi?

saṃjayaḥ:

ahaṃ krīḍitum icchāmi. ahaṃ hariṇyā saha krīḍitum icchāmi. hariṇī mama mitram.

hariṇī:

saṃjayo mama mitram. ahaṃ mama mitreṇa saha krīḍitum icchāmi!

saṃjayaḥ krīḍituṃ gacchati. saṃjayo hariṇyā saha krīḍituṃ gacchati. saṃjayo mitreṇa saha krīḍituṃ gacchati.

saṃjayaḥ kim icchati? saṃjayo na kiṃcid icchati. saṃjayaḥ sukhī.