viṣṇuḥ

brahmā:

paśyata, sarve! ahaṃ viṣṇuṃ paśyāmi.

brahmā kaṃ paśyati? brahmā viṣṇuṃ paśyati.

viṣṇuḥ kaḥ? viṣṇur devaḥ. viṣṇur balavān devaḥ. viṣṇur brahmā ca balavantau devau.

sarve devā viṣṇuṃ paśyanti. sarve devāḥ sukhitā bhavanti. sarve devā viṣṇuṃ dṛṣṭvā bhavanti sukhitāḥ.

viṣṇur brahmāṇaṃ gacchati.

viṣṇur brahmāṇaṃ paśyati. viṣṇuḥ paśyati bahūn devān. viṣṇur brahmāṇaṃ bahūṃś ca devān paśyati.

sarve devāḥ kim icchanti? viṣṇur jānāti.

bahavo devāḥ:

viṣṇo! rāvaṇo rājā bahūnāṃ balavatāṃ rākṣasānām. vayaṃ rāvaṇaṃ mārayitum icchāmaḥ.

kintu rāvaṇo balavān rākṣasaḥ. rāvaṇo 'smabhyaṃ balavattaraḥ. rāvaṇo balavattaraḥ sarvebhyo devebhyaḥ.

bahavo devāḥ:

vayaṃ rāvaṇam icchāmo mārayitum. kintu vayaṃ devāḥ. sarve devā rāvaṇaṃ mārayituṃ na śaknuvanti. sarve ca rākṣasā rāvaṇaṃ na mārayituṃ śaknuvanti.

kintu naro rāvaṇaṃ mārayituṃ śaknuyāt.

bahavo devāḥ:

viṣṇo, tvayā rāvaṇo mārayitavyaḥ. viṣṇo, naro bhava! viṣṇo, balavān naro bhava! tvaṃ rāvaṇaṃ mārayituṃ śakṣyasi. tvaṃ naro bhūtvā rāvaṇaṃ mārayituṃ śakṣyasi.