māyā mriyate

māyā kapilavastuno devī. māyā patnī rājñaḥ śuddhodanasya.

rājā putraṃ sarvārthasiddhaṃ dṛṣṭvā sukhaṃ gataḥ. māyā ca putraṃ dṛṣṭvā mahat sukhaṃ gatā.

māyā:

mama putraḥ. mama putro mahān bhaviṣyati. mama putro mahān munir bhaviṣyati. ahaṃ sukhī.

kintu māyā mriyate. māyā kasmān mriyate? māyā sukhān mriyate. māyā mahataḥ sukhān mriyate.

māyā mṛtā. kintu sarvārthasiddhaḥ sukhī rāja­putraḥ. sarvārthasiddhaḥ sukhī naro bhavati.

śuddhodanaḥ:

māyā mṛtā. mama patnī mṛtā.

kintu rāja­putraḥ sukhī. ahaṃ sukhī.

kiṃ rāja­putro mahān rājā bhaviṣyati?

ahaṃ na jānāmi. rāja­putro mahān rājā bhavet. kintu rāja­putro mahān munir bhavitum icchet.

rāja­putro munir bhavitum icchet. rāja­putro vanaṃ gantum icchet. rāja­putro vanaṃ gatvā munir bhavitum icchet.

rāja­putreṇa vanaṃ na gantavyam.

rāja­putro mahān rājā bhūyāt. rāja­putro vṛddho mahān rājā bhūyāt.