2.1 – 2.3 (kṛṣṇo bravīti)

Level 1Level 2Level 3Level 4

saṃjayo rāja­mantrī. saṃjayo rājānaṃ dhṛtarāṣṭraṃ bravīti.

saṃjayaḥ:

arjuno duḥkhitaḥ. kṛṣṇo duḥkhitam arjunam etad bravīti.

kṛṣṇaḥ:

arjuna, tvaṃ kasmād bhītaḥ?

tvaṃ balavān yodhaḥ. tvam āryaḥ. balavatā yodhena bhayaṃ na gantavyam. āryeṇa bhayaṃ na gantavyam.

uttiṣṭha, arjuna! yudhyasva!

rāja­mantrī saṃjaya etad abravīd rājānaṃ dhṛtarāṣṭram:

arjunasya dve nayane 'śru­pūrṇe. kṛṣṇo 'śru­pūrṇa­nayanaṃ viṣīdantam arjunam etad vacanam abravīt.

kṛṣṇo 'bravīt:

arjuna, kasmād etad bhayaṃ yuddhe tvām āgatam?

etad āryeṣu na dṛṣṭam. etena tvaṃ na svargaṃ gamiṣyasi. na caitad bhayaṃ tubhyaṃ kīrtiṃ karoti.

arjuna, uttiṣṭha! etad daurbalyaṃ tyaktvottiṣṭha!

saṃjaya uvāca:

tathā madhu­sūdanaḥ (kṛṣṇaḥ) kṛpayāviṣṭam aśru­pūrṇākulekṣaṇaṃ viṣīdantaṃ tam (arjunam) idaṃ vākyam uvāca.

śrī­bhagavān (kṛṣṇaḥ) uvāca:

he 'rjuna, kuta idaṃ kaśmalaṃ viṣame (duḥkhe) tvā (tvām) samupasthitam (āgatam)? idam an­ārya­juṣṭam a­svargyam a­kīrti­karaṃ ca.

he pārtha (arjuna), klaibyaṃ sma gamaḥ ( gaccha)! naitat (klaibyam) tvayy upapadyate. he paraṃtapa (arjuna), kṣudraṃ hṛdaya­daurbalyaṃ tyaktvottiṣṭha.

saṃjaya uvāca taṃ tathā kṛpayāviṣṭam aśru­pūrṇākulekṣaṇam viṣīdantam idaṃ vākyam uvāca madhu­sūdanaḥ ॥ 1 ॥

śrī­bhagavān uvāca kutas tvā kaśmalam idaṃ viṣame samupasthitam an­ārya­juṣṭam a­svargyam a­kīrti­karam arjuna ॥ 2 ॥

klaibyaṃ sma gamaḥ pārtha naitat tvayy upapadyate kṣudraṃ hṛdaya­daurbalyaṃ tyaktvottiṣṭha paraṃtapa ॥ 3 ॥