2.4 – 2.9 (arjuno na yotsyate)

Change script:

Level 1

Level 2

Level 3

Level 4

arjunaḥ:

kṛṣṇa, ahaṃ na bhīṣmeṇa saha yoddhuṃ śaknomi. na cāhaṃ droṇena saha yoddhuṃ śaknomi. bhīṣmo droṇaś ca mama priyau.

ahaṃ na yoddhum icchāmi. ahaṃ bhikṣur bhavitum icchāmi. ahaṃ bhikṣur bhūtvā na kaṃcin mārayiṣyāmi.

arjunaḥ:

vayaṃ bandhūn mārayema. vayaṃ bandhūñ jayema. ete bandhavo 'smāñ jayeyuḥ.

ahaṃ katarad icchāmi? ahaṃ na jānāmi.

arjunaḥ:

mayā kiṃ kartavyam? kṛṣṇa, ahaṃ jñātum icchāmi. māṃ jñāpaya, kṛṣṇa!

ahaṃ mahad rājyam avāpnuyām. ahaṃ mama bandhūn mārayitvā mahad rājyam avāpnuyām. kintv ahaṃ duḥkhito bhaviṣyāmi.

ahaṃ na yotsye.

arjuno 'bravīt:

kṛṣṇa, katham ahaṃ bhīṣmeṇa droṇena ca saha yotsye? etau pūjārhau. mayā tābhyāṃ saha na yoddhavyam.
śreyo bhikṣur bhavitum! śreyo bhoktuṃ bhaikṣam, na hantum etān gurūn. ahaṃ mama gurūn hatvā, na kiṃcid bhogaṃ bhuñjīya.

arjunaḥ:: yadi vā vayaṃ jayema, yadi vā dhṛtarāṣṭraputrā asmāñ jayeyuḥ – kena sukhino bhaviṣyāmaḥ? vayaṃ na jānīmaḥ.
ahaṃ mahākārpaṇyaṃ gataḥ. na ca cintayituṃ śaktaḥ. etasmāt tvāṃ pṛcchāmi: yac chreyaḥ syāt, tan mahyaṃ brūhi, kṛṣṇa! māṃ śādhi.
etān bandhūn gurūṃś ca hatvā, ahaṃ kim avāpnuyām? mahārājyam avāpnuyāṃ naraloke. devarājyam apy avāpnuyāṃ devaloke.
mama tu mahāñ śoko bhaviṣyati. kim apanudyād etaṃ mahāśokam?

saṃjayo 'bravīt:

rājan, arjuna etad uktvā ahaṃ na yotsye iti kṛṣṇam abravīt.

arjuna uvāca:

he madhusūdana (kṛṣṇa)! he 'risūdana (kṛṣṇa)! ahaṃ kathaṃ bhīṣmaṃ droṇaṃ ca saṃkhye (yuddhe) iṣubhiḥ pratiyotsyāmi? bhīṣmo droṇaś ca pūjārhau.
mahānubhāvān gurūn ahatvā, śreyo bhaikṣam api bhoktum. tān hy asmākam arthakāmān gurūn hatvā, ahaṃ rudhirapradigdhān bhogān bhuñjīya.
yad vā vayaṃ jayema, yadi vā te (dhṛtarāṣṭraputrāḥ) naḥ (asmān) jayeyuḥ – katarad garīyo naḥ (asmākam)? vayaṃ na vidmaḥ.
aham upahatasvabhāvaḥ kārpaṇyadoṣeṇa. ahaṃ dharmaviṣaye saṃmūḍhacetāḥ. atas tvāṃ pṛcchāmi: yac chreyaḥ syāt, tan me niścitaṃ brūhi. ahaṃ tava śiṣyaḥ, kṛṣṇa. mām, tvāṃ prapannam, śādhi.
etān hatvā, bhūmāv asapatnam ṛddhaṃ rājyam avāpnuyām. surāṇām (devānām) cāpy ādhipatyam avāpnuyām.
ahaṃ tu bhūmāv asapatnam ṛddhaṃ rājyam avāpya, surāṇām (devānām) cādhipatyam (aiśvaryam) avāpyāpi, kim apanudyān mama śokam? yad indriyāṇām ucchoṣaṇaṃ mama śokam apanudyāt, tad ahaṃ na hi prapaśyāmi.

saṃjaya uvāca:

he paraṃtapa (dhṛtarāṣṭra), guḍākeśaḥ (arjunaḥ) hṛṣīkeśam (kṛṣṇam) evam uktvā, ahaṃ na yotsye iti govindam (kṛṣṇam) uktvā, tūṣṇīṃ babhūva ha.

arjuna uvāca । kathaṃ bhīṣmam ahaṃ saṃkhye droṇaṃ ca madhusūdana । iṣubhiḥ pratiyotsyāmi pūjārhāv arisūdana ॥ 4 ॥

gurūn ahatvā hi mahānubhāvāñ śreyo bhoktuṃ bhaikṣam apīha loke । hatvārthakāmāṃs tu gurūn ihaiva bhuñjīya bhogān rudhirapradigdhān ॥ 5 ॥

na caitad vidmaḥ kataran no garīyo yad vā jayema yadi vā no jayeyuḥ । yān eva hatvā na jijīviṣāmas te 'vasthitāḥ pramukhe dhārtarāṣṭrāḥ ॥ 6 ॥

kārpaṇyadoṣopahatasvabhāvaḥ pṛcchāmi tvāṃ dharmasaṃmūḍhacetāḥ । yac chreyaḥ syān niścitaṃ brūhi tan me śiṣyas te 'haṃ śādhi māṃ tvāṃ prapannam ॥ 7 ॥

na hi prapaśyāmi mamāpanudyād yac chokam ucchoṣaṇam indriyāṇām । avāpya bhūmāv asapatnam ṛddhaṃ rājyaṃ surāṇām api cādhipatyam ॥ 8 ॥

saṃjaya uvāca । evam uktvā hṛṣīkeśaṃ guḍākeśaḥ paraṃtapa । na yotsya iti govindam uktvā tūṣṇīṃ babhūva ha ॥ 9 ॥

Congratulations! You've reached the end of this book.

You've also reached the end of this series. (Want more? Let us know!)