rājaputrāḥ Change script: a अ অ અ ଅ ಅ (ಕ) అ (తే) അ ke putrā daśarathasya? rāmo lakṣmaṇo bharataḥ śatrughnaś ca putrā daśarathasya. sarve rājaputrā balavanto narāḥ. sarve rājaputrā balavanto yodhāḥ. sarve rājaputrā rājñaḥ priyāḥ. rāmaḥ putraḥ kausalyāyāḥ. lakṣmaṇaḥ śatrughnaś ca putrau sumitrāyāḥ. bharatas tu kaikeyyāḥ putraḥ. kausalyā sumitrā kaikeyī ca kāḥ? kausalyā sumitrā kaikeyī ca daśarathasya patnyaḥ. daśarathasya bahvyaḥ patnyaḥ! sarvā etā nāryo rājñaḥ priyāḥ patnyaḥ. sarvā rājapatnyaḥ sundaryo nāryaḥ. kaikeyī tu rājñaḥ priyatamā patnī. kaikeyī priyatamā sundaratamā rājapatnī. kas tu daśarathasya priyatamaḥ putraḥ? kaḥ priyatamo rājaputraḥ? sarve rājaputrā balavantaḥ. sarve rājaputrā yoddhuṃ jānanti. sarve rājaputrā yoddhuṃ śaktāḥ. sarve rājaputrā balavanto yodhāḥ. rāmas tu balavattamo yodhaḥ. sarve rājaputrāḥ sundarāḥ. sarve rājaputrāḥ sundarā narāḥ. rāmas tu sundaratamaḥ. sarve rājaputrāḥ priyāḥ. sarve rājaputrāḥ priyā bahūnāṃ mantriṇām. sarve rājaputrāḥ priyā bahūnāṃ brāhmaṇānām. sarve rājaputrāḥ priyā bahūnām ayodhyāvāsinām. rāmas tu priyaḥ sarveṣām ayodhyāvāsinām. rāmaḥ priyaḥ kausalyāyāḥ. rāmaḥ priyaḥ sumitrāyāḥ. rāmaḥ priyaḥ kaikeyyāḥ! rāmaḥ priyaḥ sarveṣāṃ rājapatnīnām. rāmaḥ sarveṣāṃ brāhmaṇānāṃ priyaḥ. rāmaḥ sarveṣāṃ rājamantriṇāṃ priyaḥ. rāmaḥ priyaḥ sarveṣāṃ narāṇāṃ nārīṇāṃ ca. rāmaḥ sarvapriyo rājaputraḥ. rāmo na putraḥ kaikeyyāḥ. rāmo na putraḥ priyatamāyā rājapatnyāḥ. rāmas tu balavattamaḥ sundaratamaḥ priyatamo rājaputraḥ. etasmād rāmo rājñaḥ priyatamaḥ putraḥ. daśarathasya, rāmaḥ kaikeyyāḥ priyataraḥ! daśarathasya, rāmaḥ priyatamaḥ.
