mantharā kā?

Change script:

ayodhyā­rājasya daśarathasya bahvyaḥ patnya āsan. kausalyā sumitrā kaikeyī ca priyā rājñaḥ patnya āsan.

kintu mantharā na rāja­patny āsīt. mantharāsīd dāsī kaikeyyāḥ.

bahavaḥ priya­darśino nāgarā avasann ayodhyāyām. kintu mantharā nāsīt priya­darśinī. mantharā pāpa­darśiny āsīt.

mantharā pāpa­darśinī dāsy āsīt, kintu mantharā kaikeyyāḥ priyāsīt.

kaikeyī rājñaḥ sundaratamā priyatamā yaviṣṭhā patny āsīt. kasmān mantharā dāsy abhavat kaikeyyāḥ?

kaikeyy ayodhyāyām avasat, kintu pūrvaṃ kaikeyy avasat kekayeṣu. kasmāt kaikeyy avasat kekayeṣu? kaikeyī putry āsīt kekaya­rājasya. etasmād yuvatī kaikeyy avasat kekayeṣu.

mantharā ca kekayeṣv avasat. mantharāsīt kekaya­dāsī. etasmād yuvatī kaikeyy avasat saha mantharayā.

kintu kaikeyī, bhūtvā patnī daśarathasya, ayodhyām āgacchat. mantharā ca kaikeyyā sahāgacchat sundarīṃ nagarīm.

kasmāt? mantharā priyāsīt kaikeyyāḥ. kaikeyī ca priyāsīn mantharāyāḥ.

etasmād rāja­putrī priyayā mantharayā sahāgacchad ayodhyām. etasmāt kaikeyī mantharā cāvasatāṃ mahatyāṃ sundaryāṃ nagaryām.