ko rāja­putraḥ?

bahavo brāhmaṇāḥ:

tava putro mahān bhaviṣyati. sukhī bhava, rājan.

śuddhodanaḥ:

kiṃ mama putro rājā bhaviṣyati? kiṃ mama putro mahān rājā bhaviṣyati?

bahavo brāhmaṇāḥ:

tava putro mahān rājā bhavet. tava putro mahān munir bhavet.

śuddhodanaḥ:

muniḥ! kiṃ mama putro munir bhaviṣyati? kiṃ mama putro vanaṃ gamiṣyati? kiṃ mama putro munir bhūtvā vanaṃ gamiṣyati?

kiṃ yūyaṃ jānītha?

bahavo brāhmaṇāḥ:

vayaṃ na jānīmaḥ.

tava putro mahān rājā bhavitum icchet. kintu tava putro mahān munir icched bhavitum.

rājā śuddhodano na sukhī. kasmād rājā śuddhodano na sukhī?

putro rājño munir icched bhavitum. putro rājño munir bhavet. putro rājño vanaṃ gantum icchet. putro rājño bhūtvā munir vanaṃ gacchet!

śuddhodanaḥ:

mama putro mahān rājā bhūyāt.

mama putro munir bhavet. mama putro vṛddho bhūtvā munir bhavitum icchet. mama putro vṛddho bhūtvā vanaṃ gacchet.

kintu mama putro rājā bhaviṣyati. mama putro mahān rājā bhūyāt.