sarve mithilāṃ gacchanti

rāmo na mithilāyām. kintu rāmo mithilāṃ gacchati. rāmo lakṣmaṇaś ca gacchato mahatīṃ nagarīm. etau rāja­putrau bahubhir munibhiḥ saha gacchanti mithilām.

rāma­lakṣmaṇau balavantau rāja­putrau, kintv etau na putrau janakasya. rāma­lakṣmaṇau putrāv ayodhyā­rājasya daśarathasya.

daśaratho balavān mahā­rājaḥ. daśarathaḥ priyo janakasya mithilā­rājasya. janakaś ca daśarathasya priyaḥ.

etau rāja­putrau viśvāmitreṇa saha mithilāṃ gacchataḥ. viśvāmitro mahān muniḥ.

viśvāmitro gacchati mithilām, kintu viśvāmitro na vasati mithilāyām. viśvāmitro vasati mahati vane. viśvāmitra āśrame vasati. viśvāmitro vasati vanāśrame.

mahān munir viśvāmitro vasati vanāśrame bahubhir munibhiḥ saha. sarva ete munayo gacchanti nagarīm. sarva ete munayo viśvāmitreṇa rāmeṇa lakṣmaṇena ca saha nagarīṃ gacchanti.

sarve mahā­vanād gacchanti mithilām.