āropaṇam

Change script:

rāmo dhanur gataḥ. sarveṣu paśyatsu, rāmo dhanur gataḥ.

bahavo narā āgatāḥ. bahavo narā rāmaṃ draṣṭum āgatāḥ. sarva ete narā draṣṭum icchanty āropaṇaṃ dhanuṣaḥ. sarve draṣṭum icchanti balaṃ rāmasya.

sarve narāḥ:

kiṃ rāma āropayituṃ śakṣyati dhanuḥ? kiṃ rāmo bhaviṣyati patiḥ sītāyā rāja­putryāḥ?

rāmo dhanur āropayati. sarveṣu paśyatsu, rāmaḥ sukhena dhanur āropayati.

sarve narāḥ paśyanty āropaṇaṃ divyasya dhanuṣaḥ. sarve narāḥ sukhitā bhavanti.

sarve narāḥ:

bahavo balavanto rājāno divyaṃ dhanur āropayitum aicchan. na kaścid rājā dhanur āropayitum aśaknot.

kintu rāmeṇa dhanur āropitam. rāmeṇa sukhena dhanur āropitam!

kintu …

… kintu rāmo dhanur bhanakti! sarveṣāṃ paśyatām, balavān rāmo bhanakti divyaṃ dhanuḥ śivasya.

sarve narā divya­dhanuṣo bhañjanaṃ paśyanti.

kiṃ sarve narāḥ sukhitāḥ? sarve narāḥ sukhitāḥ. sarve narā gacchanti mahat sukham.

sarve narāḥ:

na kaścid divyaṃ dhanur āropayitum aśaknot.

kintu rāmeṇa sukhena dhanur āropitam. rāmeṇa dhanuḥ sukhena bhagnam!

sarve narāḥ:

ko nara etad divyaṃ dhanur bhaṅktuṃ śaktaḥ? ko deva etan mahā­dhanuḥ śakto bhaṅktum?

ko rāja­putro balavattaro rāmāt? ko devo rāmād balavattaraḥ?

na kaścid rāja­putro rāmād balavattaraḥ. na kaścid balavattaro rāmāt. rāmo balavattamaḥ.

sarve narā bhañjanaṃ mahā­dhanuṣo dṛṣṭvā sukhitā bhavanti.