tāṭakā

viśvāmitro rāja­putrau ca gacchanty āśramam. viśvāmitro rāja­putrau ca bahūni vanāni paśyanti.

kintu rāmo bhayānakaṃ vanaṃ paśyati.

rāmo bhayānakaṃ vanaṃ paśyan bhāṣate. rāmo bhāṣate mahāntaṃ muniṃ viśvāmitram.

rāmaḥ:

mune! ahaṃ bhayānakaṃ vanaṃ paśyāmi. etat kasya vanam? ko vasaty etasmin bhayānake vane? kiṃ bahavo munayo vasanty etasmin vane?

rāmo viśvāmitrāya bhayānakaṃ vanaṃ darśayati.

viśvāmitro bhayānakaṃ vanaṃ paśyati. viśvāmitro vanaṃ paśyan rāmaṃ bhāṣate.

viśvāmitraḥ:

rāma, tāṭakā vasaty etasmin bhayānake vane. tāṭakā balavatī. mārīcas tāṭakāyāḥ putraḥ. putras tāṭakāyā balavān rākṣasaḥ.

viśvāmitraḥ:

rāma, bahavo munayo vasitum icchanty etasmin vane. kintu tāṭakā vasaty etasmin vane. tāṭakā sarvair munibhiḥ saha yoddhum icchati. tāṭakā mārayitum icchati sarvān munīn.

etasmād etad vanaṃ bhayānakam. etasmāt sarve munayo na vasanty etasmin vane. sarve munayo na śaknuvanty etasmin vane vasitum.