śāntā

saṃjayo vānareṇa saha krīḍitum icchati. saṃjayaḥ kutra vānaraṃ paśyet?

saṃjayo na jānāti. kintu hariṇī jānīyāt.

saṃjayo hariṇyā gṛhaṃ gacchati. saṃjayo mitraṃ draṣṭuṃ gacchati.

saṃjayaḥ śāntāṃ paśyati.

śāntā mātā. kintu śāntā na mātā saṃjayasya. śāntā mātā hariṇyāḥ. śāntā saṃjayasya mitrasya mātā.

śāntā saṃjayaṃ paśyati.

śāntā:

saṃjaya! kutra nalinī? kutra tava mātā?

śāntā nalinīṃ draṣṭum icchati. kasmāt? śāntā nalinyā mitram. śāntā saṃjayasya mātur mitram. śāntā mitraṃ draṣṭum icchati.

saṃjayaḥ:

mātā gṛhe. mātā padmā ca gṛhe. mātā padmā ca khādataḥ.

kintv ahaṃ na khāditum icchāmi. ahaṃ hariṇīṃ draṣṭum icchāmi. ahaṃ hariṇīṃ draṣṭum āgataḥ.

kutra hariṇī?

saṃjayo gṛhe paśyati. saṃjayaḥ śāntāyā gṛhe paśyati. kintu saṃjayo hariṇīṃ na paśyati.

śāntā hasati.

śāntā:

ahaha! hariṇī na gṛhe, saṃjaya. hariṇī gatā. hariṇī krīḍituṃ gatā.

saṃjayaḥ:

gatā?! hariṇī kutra gatā?

śāntā:

ahaṃ na jānāmi, saṃjaya.

saṃjayo na sukhī. saṃjayo hariṇīṃ draṣṭum icchati. kintu kutra hariṇī gatā? saṃjayo na jānāti.

saṃjayaḥ:

ahaṃ gacchāmi. ahaṃ hariṇīṃ draṣṭuṃ gacchāmi.

śāntā:

saṃjaya, kiṃ tvaṃ khāditavān? āgaccha, saṃjaya! khāda! tvaṃ khāditvā gaccha.

saṃjaya? saṃjaya, tvaṃ kutra gataḥ?

kintu śāntā saṃjayaṃ na paśyati. saṃjayo gataḥ. saṃjayo hariṇīṃ draṣṭuṃ gataḥ!

śāntā hasati.

śāntā:

ahaha!

śāntā khāditum icchati. śāntā khādituṃ gacchati.