avarṇo 'savarṇaś ca
Change script:
svarasaṃdhir bhaved dvayoḥ savarṇayoḥ svarayoḥ. svarasaṃdhir bhaved dvayor asavarṇayor api svarayoḥ.
dvāv asavarṇau svarau kiṃ bhavetām? kiṃ bhavet saṃdhinā dvayor asavarṇayoḥ svarayoḥ?
dvau savarṇau svarāv eko dīrghaḥ svaro bhavetām:
ca api ⟶ cāpi
dvāv asavarṇau svarāv apy eko dīrghaḥ svaro bhavet. kintv eṣa dīrghaḥ svaro na samānākṣaram. eṣa dīrghaḥ svaraḥ saṃdhyakṣaram.
etasmād avarṇa ivarṇaś ca bhavata ekāraḥ:
avarṇasya ivarṇasya ca ⟶ avarṇasyevarṇasya ca
avarṇa uvarṇaś ca bhavata okāraḥ:
avarṇasya uvarṇasya ca ⟶ avarṇasyovarṇasya ca
avarṇa ekāraś ca bhavata aikāraḥ:
avarṇasya ekārasya ca ⟶ avarṇasyaikārasya ca
avarṇa okāraś ca bhavata aukāraḥ:
avarṇasya okārasya ca ⟶ avarṇasyaukārasya ca
avarṇa aikāraś ca kaḥ svaro bhavataḥ? avarṇa aikāraś ca bhavata aikāraḥ:
avarṇasya aivarṇasya ca ⟶ avarṇasyaivarṇasya ca
avarṇa aukāraś ca kaḥ svaro bhavataḥ? avarṇa aukāraś ca bhavata aukāraḥ:
avarṇasya aukārasya ca ⟶ avarṇasyaukārasya ca
avarṇa ṛvarṇaś ca kiṃ bhavataḥ? avarṇo 'kāro bhavati. ṛvarṇo repho bhavati:
saṃdhinā ṛvarṇasya ⟶ saṃdhinarvarṇasya
avarṇa ḷvarṇaś ca kiṃ bhavataḥ saṃhitāyām? avarṇo bhavaty akāraḥ. ḷvarṇo bhavati lakāraḥ:
saṃdhinā ḷvarṇasya ⟶ saṃdhinalvarṇasya
iti svarasaṃdhir avarṇasyāsavarṇasya ca.
| pūrvaḥ | paraḥ | kim? |
|---|
| a, ā | i, ī | e |
| a, ā | u, ū | o |
| a, ā | ṛ, ṝ | ar |
| a, ā | ḷ | al |
| a, ā | e, ai | ai |
| a, ā | o, au | au |