viśvāmitraḥ kim icchati?
daśarathaḥ :viśvāmitra !mahāmune !ahaṃ sukhitaḥ .ahaṃ tava darśanāt sukhitaḥ .
viśvāmitraḥ :rājan daśaratha !ahaṃ sukhitas tava darśanāt .
daśarathaḥ :tvaṃ kim icchasi ,mune ?tvaṃ kasmād ayodhyām āgataḥ ?
viśvāmitraḥ :rājan ,ahaṃ vasāmi vane .ahaṃ bahavaś ca munayo vane vasāmaḥ .
viśvāmitraḥ :ahaṃ yajñaṃ yaṣṭum icchāmi .sarve vayaṃ yajñaṃ yaṣṭum icchāmaḥ .vayaṃ yajñaṃ vane yaṣṭum icchāmaḥ .kintu bahavo rākṣasā vane vasanti .bahavo balavanto rākṣasā vane vasanti .
viśvāmitraḥ :ahaṃ na sukhitaḥ .ahaṃ na yajñaṃ yaṣṭuṃ śaknomi .sarve rākṣasā mārayitavyāḥ .sarveṣu rākṣaseṣu mṛteṣu ,vayaṃ yajñaṃ yaṣṭuṃ śakṣyāmaḥ .sarveṣu rākṣaseṣu mṛteṣu ,ahaṃ sukhito bhaviṣyāmi .sarve vayaṃ sukhitā bhaviṣyāmaḥ .
viśvāmitraḥ :rājan ,rāmas tava putraḥ .rāmo balavān .rāmo balavān rājaputraḥ .rāmaḥ sarvān vanasya rākṣasān mārayituṃ śaknoti .
viśvāmitraḥ :rāmeṇa sarve vanasya rākṣasā mārayitavyāḥ .ahaṃ rāmam icchāmi .dehi tava putram ,rājan .dehi tava balavantaṃ putram .ahaṃ rāmaś ca vanaṃ gamiṣyāvaḥ .rāmo vanaṃ gatvā sarvān rākṣasān mārayiṣyati .