sarve bhītā bhavanti

rājā daśaratho na rāmaṃ dātum icchati munaye. viśvāmitro yajñaṃ na yaṣṭuṃ śakṣyati vane.

viśvāmitro na sukhitaḥ. viśvāmitro na draṣṭum icchati daśaratham. viśvāmitro bhītaṃ rājānaṃ na draṣṭum icchati.

viśvāmitraḥ:

tvaṃ na mahyaṃ putraṃ dāsyasi. ahaṃ na sukhitaḥ.

tvaṃ mahān rājā. kintu tvaṃ mahad bhayaṃ gataḥ.

ahaṃ mama vanaṃ gamiṣyāmi. sukhī bhava, rājan.

sarve rāja­mantriṇo bhītā bhavanti. sarve ca devā bhavanti bhītāḥ. sarve kasmād bhītāḥ? sarve viśvāmitrād bhītāḥ.

kasmāt sarve viśvāmitrād bhītāḥ?

viśvāmitro mahān muniḥ. mahā­muner mahad balam. viśvāmitro mahān balavān muniḥ.

kintu viśvāmitro na sukhitaḥ. sarve mahā­muner bhītāḥ.